Axari

Aritz Egea eta Maite Maiora nagusi Idiazabalgo Axari Trail proban

GOIERRI.HITZA.INFO. Aritz Egea urretxuarra gizonezkoetan eta Maite Maiora mendaroarra emakumezkoetan izan dira II. Axari Trail probaren irabazleak. 154 lagunek parte hartu zuten Mikel Garmendia zenaren omenez Idiazabalen egiten den mendi lasterketa honetan. Egeak ordubete eta 58 minutu behar izan zituen ibilbidearen 25 kilometroak egiteko; bi minuturen azpitik sartu zen helmugara Oier Ariznabarreta, bigarren sailkatua; gizonezkoen podiuma, Hassan Ait Chaou, bereber jatorria duen villabonarrak osatu zuen.

II. Axari Trail mendi lasterketa egingo dute etzi Idiazabalen

GOIERRI.HITZA.INFO. Igandean egingo dute Axari Trail mendi lasterketa Idiazabalen, Mikel Garmendia zenaren oroimenez. Iaz, egin zuten lehen edizioa, eta aurten, joan den urteko harrera onak emandako ilusioarekin antolatu dute bigarrenez. Lasterketa sortu berria izan arren, hasieratik garrantzia izaten ari da Axari Trail proba. Lehen edizioa Euskadiko koparako puntuagarria izan zen, eta 234 korrikalarik hartu zuten parte; aurten, berriz, Euskadiko txapelketa jokatuko da Idiazabalen, eta 313 lagun lehiatuko dira.