XII. PAGOETA MENDI LASTERKETA

1.- DATA eta ORDUA:

Zarautz-Pagoeta-Zarautz mendi lasterketaren hamabigarren edizioa 2015eko maiatzaren 24ean burutuko da eta goizeko 10:00etan emango zaio hasiera.

2.-IBILBIDEA:

Proba Zarautz eta Pagoeta arteko mendietan zehar igaroko da. 15 kilometroko luzera du eta 1468m.-ko gora-behera metatua. Irteera eta helmuga Azken Portu auzoko Guria taberna aurrean kokatuko da.

Pagoeta Mendi Lasterketa Egilea: pagoetam

 

PROFILA:

3.-PARTEHARTZEA: 18 urtetik gorako edonork parte hartu dezake, baina gehienez ere 225 lagun onartuko dira. 225 horiek izena emandako hurrenkera berean onartuko dira, arautegi honetan adierazitako guztia onartu eta zehaztutako baldintza guztiak betetzen badituzte behintzat.

4.-KATEGORIAK: Lasterketa honetako sailkapena bi kategori hauen arabera emango da:

Gizonezkoak
Emakumezkoak

5.- IZEN EMATEAK: Izen ematea www.herrikrossa.com web orrian egingo da eta 15€-koa izango da.

6.- KONTROLAK: Bi kontrol egongo dira, lehenengoa Sarobe berrin (5,5km), irteera eman eta handik ordubetera itxiko dena, eta bigarrena Pagoetako gurutzean. Ibilbidea gehienez 2 ordu eta erdian egin beharko da.

7.- HORNIDURAK: Hiru anoa postu egongo dira (5,5 – 7,2 – 9,5 kilometroetan)

8.- SARIAK: Kategori bakoitzeko lehenengo hirurak saria jasoko dute. Baita ere saria jasoko dute kategoria bakoitzeko lehen zarauztarrek. Lasterketa denbora barruan amaitzen dutenei kamiseta eta opari bana emango zaie. Opari gehiago ere zozketatuko dira lasterketa amaitzen dutenen artean. Sariak ez dira metatuko.

300 euroko sari berezia lortuko du, bere kategorian, frogako errekor berria ezartzen duen emakumezkoak.

Halaber, 300 euroko sari berezia lortuko du, bere kategorian, frogako errekor berria ezartzen duen gizonezkoak.

9.- OSASUN-LAGUNTZA: Antolakuntzak sorospen eta salbamendu zerbitzuak atonduko ditu ibilbideko puntu estrategikoenetan.

10- Parte hartzaile guztiek, parte hartzeagatik, arau hauek onartuko dituzte. Hemen aurreikusita ez dagoena Euskadiko Mendi Federazioak mendi lasterketetarako duen araudiaren arabera erabakiko da.

11.- Zarauzko Udal Kiroldegian aldagelak eta dutxak izango dira partaide guztientzat.