Egiako Arrano elkarteak, Egiako parkean jokatzen den III. Sudur Krosa antolatu du aurten ere, apirilaren 14rako. Lehia, gozamena eta umore onaz gozatzeko aukera egongo da bertan, antolatzaileen arabera. Izen ematea martxoan zabalduko dute, honako tokietan: Laister Kirolak (Elkano kalea 6), U51 Kirolak (Urbiaeta kalea 51), Tetuan Kata taberna (Karmengo amako kallejoia 34) eta www.herrikrossa.com webgunean. Aldez aurretik egindako izen emateak 6 euroko prezioa izango du, eta lasterketaren egunean izena emateak, berriz, 9 euro balioko du. Lasterketak 6 kilometroko luzera izango du, hiru kilometroko ibilbideari bi itzuli emanez. Sailkapen orokorreko lehen hiru gizonek eta emakumeek eta Egiako lehen gizonek eta emakumeek sariak jasoko dituzte. Eta guztientzako sudurrak banatuko dituzte.
Iturria: http://irutxulo.hitza.info
