Atzo gauean hasi eta Goierrin barrena 87 kilometro egin eta gero, Goierriko Bi Handiak probako aurreneko lasterkariak hasi dira helmugara iristen. Gizonezkoetan lehena, Xabier Larrion beasaindarra izan da; eguerdiko 12:40 inguruan iritsi da helmugara, 13:39:05ko denbora eginda. Haren atzetik sartu dira Ernesto Angulo eta Aitor Urbieta.
Emakumezkoetan ere, goierritarrak izan dira nagusi; Elena Calvillok 15:36:48eko denbora egin du Beasaingo helmugan. Ehunmilak probari dagokionean berriz, gaur eguerdian erretiratu da Iker Karrera faboritoa, Etxegaraten. Harrezkero, Imanol Aleson azkoitiarra eta Joxelu Albizuri azpeitiarra daude lasterketaren buruan. Aleson izan da San Adriango kobatik pasatzen lehena. Martxa honetan, gaueko 21:00etatik aurrera iristea espero dute antolatzaileek helmugara.
Iturria: www.goierrikohitza.info
