Alex Txikon, Zaid Ait Malek ultramaratoi korrikalaria; Aritz Egea Espainiako ultra-traileko txapelduna, eta Raul Criado, WMRA Munduko Kopako irabazlea, gizonezkoen eliteko kirolarien artean, Gamiz-Fikako Burdin Hesiko Mendi Lasterketaren bigarren edizioan izango dira.
Espainiako Trail Running txapelduna, Oihana Kortazar; Euskadiko mendi lasterketetako selekzioko kidea, Oihana Azkorbeitia eta modalitate horretako euskal hautatzailea, Ainara Urrutia emakumezko parte-hartzaileen artean.
Ekainaren 22an, Gamiz-Fikan, ‘Burdin Hesiko Mendi Lasterketa’ lehiaketaren bigarren edizioko parte-hartzea sekulakoa izango da. Probarako sei hilabete falta dira oraindik, eta 200 parte-hartzailek eman dute izena. Izena emateko epea zabalik dago.
Izena eman duten gizonezko kirolarien artean, Alex Txikon ezaguna; Zaid Ait Malek ultramaratoi korrikalaria (Skyrunner Munduko Txapelketan parte hartu zuen eta Costa Rican 250 km-ko Volcano UltraMarathon irabazi zuen, bere gainerako ibilbidea alde batera utzita-, eta bi garaipen aipatzearren); Aritz Egea, Espainiako ultra-traila bi aldiz irabazi duena, ingeniari elektronikoa, unibertsitateko irakaslea eta ikertzailea; edo Raul Criado WMRA 2021 Munduko Kopako irabazlea.
Emakumezkoen artean, Oihana Kortazar, Trail Running 2023ko Espainiako txapelduna eta Innsbruckeko munduko txapelketako zazpigarrena; Epic Trail Sky Marathon Buffeko edo Trail Valle de Tenako irabazlea, Oihana Azkorbeitia; eta Ainara Urrutia mendi-lasterketetako euskal hautatzailea.
‘Burdin Hesiko Mendi Lasterketak’ hiru aukera eskainiko dizkie parte hartu nahi dutenei. Mendi lasterketak 1.750 metroko desnibela du 37 kilometrotan zehar, eta belardiak, basoak, bunkerrak eta lubakiak zeharkatu beharko dituzte. Beste aukera bat lasterketa laburragoa eta azkarragoa da, 13 kilometrokoa. Eta eramanerrazena, 13 kilometro horietan zehar ibiltzea.
Bestalde, erakunde antolatzaileak, Eperlandak, probatik ateratako etekinak helburu humanitario bati emango dio. Gainera, ‘Burdin Hesiko Mendi Lasterketa’ txapelketak memoria historikoarekin lotutako helburua du. Zirkuituan, ‘Bilboko Burdin Hesiaren’ hainbat gune izango dira, eta, boluntarioei eta birsortze historikoari jardungo dutenei esker, historia berriz bizitzeko aukera izango da. Kirol-probak ahaztu behar ez den tragedia bat ekarriko digu gogora.
