XLII. SANTAMAS KROSA – XVII. ENRIKE KABIKETA MEMORIALA – 2019

Arrasate Atletiko Taldeak antolatuta, Santamas Krosaren XLII. – Enrike Kabiketa Oroimenaren XVII. edizioa izango da hurrengo igandean (abenduak 15). Ondokoak izango dira ume eta gaztetxoendako lasterketen ordutegiak:

• 11:00etan 13-14 urtetako gaztetxoentzat, Kajoi taberna aurretik hasita, 800 metroko lasterketa.

• 11:10ean 11-12 urtetako gaztetxoentzat, Azkoaga botika aurretik hasita, 600 metroko lasterketa.

• 11:20ean 10 urtetako haurrentzat, Kajoi taberna aurretik hasita, 400 metroko lasterketa.

• 11:30ean 9 urtetako haurrentzat, Kajoi taberna aurretik hasita, 400 metroko lasterketa.

• 11:40ean 8 urtetako haurrentzat, Azkoaga botika aurretik hasita, 175 metroko lasterketa.

• 11:50ean 7 urteko haurrentzat, Azkoaga botika aurretik hasita, 175 metroko lasterketa.

• 12:00etan 5-6 urtetako haurrentzat, Portaloitik hasita, 100 metroko lasterketa.

Eguerdiko 12:30ean koadrilen arteko lasterketa hasiko da. Monte taberna ondotik hasiko da, eta 6 kilometro luze izango da.

Lasterketa honetan 16 urtetik gorakoek parte hartu ahalko dute, “gura duten guztiek”. Eskualde mailakoa izango da, eta soilik Debagoieneko koadrilek parte hartu ahalko dute. Izen-ematea probaren egunean bertan egingo da.

Koadrilen arteko probaren araudia:

• Sailkapena zehazteko, koadrila bakoitzeko lehen 5 helmugaratuen puntuazioa hartuko da kontuan, proban lorturiko puntuak gehituz, nahiz eta proban parte hartu korrikalariak indibidualki, emakumezkoak.

• Proba irabaziko du 5 helmugaratzeetan puntuazio gutxien lortutako duen koadrilak.

• Berdinketa izango balitz, kontuan hartuko da koadrila bakoitzetik 5. helmugaratutakoetatik sailkatze onena.

• Emakumezko koadrilen sailkapena egongo da, eta koadrila bakoitzetik helmugaratutako lehen 5 emakumeen puntuazioa hartuko da kontuan. Sailkapenei eta balizko berdinketei dagokienean, gizonezkoen probako araudi berbera aplikatuko da.

• Koadrilen arteko proba hau soilik 16 urtetik gorakoentzat da, eta saria lortu ahalko dute soilik Debagoieneko koadrilek.

• Izen-ematearen prezioa 5 eurokoa izango da.

• Irteera Portaloian izango da, Monte taberna parean, eta helmuga Herriko plazan.

• Ondorengo sariak izango dira: gizon azkarrenari, emakume azkarrenari eta koadrila azkarrenei.