Egutegia errepikatuko da. Karakateko Igoeraren osteko zapatuan, azaroaren 23an, jokatuko da Mendaron Alkortako Igoera.
10:30ean irtengo dira korrikalariak udaletxe aurretik, eta 4,7 kilometroko ibilbidea osatu beharko dute Alkorta baserri pareraino.
Errepidez egingo dute ibilbide osoa, eta tartean, %11ren bueltako pendizak ere gainditu beharko dituzte.
Egutegia errepikatuko da. Karakateko Igoeraren osteko zapatuan, azaroaren 23an, jokatuko da Mendaron Alkortako Igoera.
10:30ean irtengo dira korrikalariak udaletxe aurretik, eta 4,7 kilometroko ibilbidea osatu beharko dute Alkorta baserri pareraino.
Errepidez egingo dute ibilbide osoa, eta tartean, %11ren bueltako pendizak ere gainditu beharko dituzte.
Izenemateak egunean bertan egin beharko dira, irten baino ordu erdi aurretik, eta 2 euro kobratuko dute. Bukaeran, hamaiketakoa egongo da Alkortara igotzen diren guztientzat.
197/ 2006 doktrinaren kontra antolatzen dute lasterketa hau, eta hain justu ere, Parot doktrina ezarrita preso duten Jokin Urain mendaroarraren jaiotetxean bukatzen da [2009ko irailaren 7an, 23 urteko espetxe zigorra bete ondoren, Espainiako Auzitegi Nazionalak 197/06 doktrina ezarri eta kartzelaldia 2016 urtera arte luzatu zion].
Iaz, Iñigo Lariz elgoibartarra (21:07) eta Nerea Amilibia aiarra (27:5) nagusitu ziren.
Gizonezkoetan, Iñigo Lazkanok dauka errekorra (20:24) eta emakumezkoetan Amilibiak berak (25:49).