Dagoeneko ehun lagun inguruk eman dute izena eta horietatik 20-25 azpeitiarrak dira
Hilaren 26an izango da Zuzenien I. Mendi Lasterketa Bertikala. Euskal Herriko I. Igoera Bertikalen Zirkuituaren baitakoa da. Ezkerretegi
baserritik Xoxoteko San Inazioren irudira arteko erlojupeko lasterketa da. Izena emateko aukera hilaren 22ra arte luzatu du lasterketaren antolatzailea den Lagun Onak Mendi Bazkunak. Parte hartzeko izena honako helbidean eman daiteke: www.lagunonakmb.org/IgoeraBertikala.asp
Lagun Onak-ekoek diotenez, dagoeneko ehun lagun inguruk eman dute izena. Horietatik 20-25 lagun azpeitiarrak dira.
Lasterkariek 30 segundoro irtengo dute. Zerrenda osatzeko zozketa bihar iluntzean egingo dute antolatzaileek, beraz ordura bitartean izena ematen dutenak zozketan sartuko dituzte. Bihar iluntzetik aurrera izena ematen dutenek, zerrendakoen ondoren irten beharko dute.
Iturria: Urola Kostako Hitza
